قاتل نيرة أشرف: أهلها مضوني على إيصالات أمانة
امتلأت قاعة محاكمة قاتل نيرة أشرف في مصر باعلاميين و كاميرات من اغلب القنوات الفضائية المحلية و العالمية مع دخول المتهم القفص.
وبدأ انعقاد الجلسة برئاسة المستشار الجليل / بهاء المري، ل سماع مرافعة النيابة العامة.
وقال المتهم (كنا بنحب بعض و كنت بصرف عليها و مش مخليها محتاجة حاجه و اكتشفت انها كانت بتضحك عليا)
وأضاف المتهم لهيئة المحكمة :لما جينا ارتبطنا حصل أول خناقة بينا كانت هي بتحكي لي وبتقولي إنها عايزه تشتغل وعندها طموح وأنا وهي كنا بنحب بعض وماكانش فارق معايا هي بتشتغل إيه ولا هتشتغل إيه وبعد كده اتضح إنها بتكدب عليا ولا أي حاجه وعدتني بيها حصلت وأهلها ماكانوش عارفين بتشتغل إيه و اكتشفت إنها واخداني مرحلة و هاتسيبني.
وأكد كانت ديما بتشتكيلي من أهلها و مسجل دا صوت، و لما روحت اشتكيلهم منها قالولي ملناش دعوة بيها و عملولي بلوك.
وأوضح أن أهلها خدعوني و قعدوني في جلسة عرفية بدون ما اعرف و مضوني على ايصالات امانة علشان كدا قررت اني انتقم منها بس مكنتش حاطط في دماغي انتي هاقتلها بالشكل دا، واهلها بعتولي بلطجية علشان يخوفوني و ابعد عنها، وضابط شرطة من الشله بتاعها كلمني و قالي لو مبعدتش عن نيرة هالفقلك قواضي و بعدها بيومين اكونت الفيس بتاعي اتقفل.
مشيرا أنه ندمان اني قتلتها لأني أذيت أهلي، وأمها هي السبب، ليسأله القاضي: ما مفهوم الحب عندك يا محمد ؟ و المتهم يجيب ان الحب ان محدش يضحك على حد و يستغله، مفيش مبرر للى انا عملته و السبب اهلها و هما المسئولين.